Shanti Basauri

Guggenheim-en

BBVA-k enkargatutako ebentoa geldiarazi behar genuen azkenean. Euria izan zan errudun nagusia eta benetan tamalgarria izan da, lan osoa eginda baitzegoen.

Enekin beste 10 musikari zeuden Hortzmugak eta Inneventok ekoiztutako lan honetarako. Aldi honetan ere, dantzari batzuk, antzezlari ugari eta Astondoa piroteknia bazeuden prest gau berezi bat egiteko.
Hurrengoan museo eder hau konkistatuko degu menturaz...

Mp3

Hemen enkargu batzuen atal txikiak dauzkazue. Lan hauen artean konposaketa zaharrak eta gaur egungoak daude, haurren doinuetik musika garaikidera.
Behean, gailu bat aurkituko dezu ondoko doinuak entzuteko.

"Muskiz Eraikiz", Muskizeko Meatzari Antzokiaren irikitze egintzarako idatzi nuen eta Mythos hari-laukoteak jo zuen zuzenean. Nahiz eta ene lehendabiziko asmoa obra hau guztiz garaikidea egitea izan, azkenean armonia eta figurak sinplifikatu nituen jotzaileek oso denbora gutxi baitzekaten entseatzeko.

"Bideak" ballet-a Aukeran konpainiarentzat (bide "estekak" orria xehetasun gehiagorako) idatzi nuen. Hemen, Max Sarirako izendatua izan zen banda sonora honen hiru doinu jarri ditut. Euskal erritmo herrikoiak erabili nituen, eta dantzari trebe horiek benetazko magia sortzen dute zortzikoa, banakoa, suletinoa edota biribilketa dantza eginez.

"12 K" Hortzmugak egindako kale-antzezlan bat izan zan. Musika asko idatzi eta grabatu  nuen eta, geroztik, mami horren gainean bi jotzaile erantsi ziran.
Hemen agerturikoen lehenengoa kanpoan geratu zen eta europatar erdiaroko musikaren erara egin nuen. Besteak - "Lurra" - alboka du nagusi. Arte eskenikoentzat, musika garaikidea ezin badut idatzi, beste aldean jartzea gustatzen zait eta tresna herrikoiak erabiltzen saiatzen naiz.

"Abentura antzokian" 2007.ko Arriaga Antzokiaren ekoizpena da. Antzokian bertan (hilabete oso bat) Ales Larrazabal eta Joe Gonzalez izan ziran jotzaileak. Doinu ttipi hau grabatuta zegoen bakarra da, iragatearen gisa.
Musikaren gehiena pianoa, klarinetea, saxo sopranoa eta eskusoinurako idatzia izan zan.

"5 Mentes" orain dela hamarkada bateko egitasmo bat izan zen. Iñigo Maestro, Jesús Laucirica eta hirurok sortu eta landu genuen. Gu hirurok, Pedro Ortega, Sergio Sánchez, David Ardila eta Aitor Álvarezekin batera "IO7" klan artistikoaren kideok gara. Haiek oro artista irudigileak dira.

"Zirko Iluna" haurren antzezlan bat da batik bat, zirko berezi batean kokatuta. Urte bat kalean egon eta gero, gaur egun antzokitan antzezten da eta musika grabatuak haurren aire bat darama, neretzat txit dibertigarria izan zena. Haurrentzako musika egiteak garbitasun melodiko handia, erritmo sinpletasuna eta harako zoramen bat eskatzen dizu.
Disonantzia ugari erabil ditzakezu, helduek jasanezinak aurkituko lituzketenak, jopukeri estetikoarren eta ezjakintasunagatik.

Estekak

Ene jarduerekin lotutako esteka batzuk:

Artez: Arte eskenikoen aldizkaria. Guztiok, noizbehinka, azaltzen gara bere orrialdetan.

Aukeran: Donostiar konpainia, dantza herrikoiak eta garaikideak nahasten dituena. Aitzindariak, ausartak, eta imitatuak.

Baga-biga: Dronadar-en managerra, hemen taldearen kontzertuak agertu ohi dira.

Botxo Boogies: Joe González dago talde berezi eta dibertigarri honetan. Swing, jazza, fox-trot eta Arriagaren doinuak. Saxojole eta klarinetista trebea izateaz gain, lagun mina da.

Deambulants: Kataluniar hauek hegan egiten, literalki. Konpainia harrigarri honekin lan egiteak beti ume-irriño bat dakarkit.

Ganso: Gorka Zeroren azken egitasmoa, klownen munduan oinarrituta. Gizon enmaskaratu bat hiria zeharkatzen.

Hermanos Bolinga: Jose Antonio de la Lomari (ikertu Internet-en..) gustatuko litzaioken bikote arriskutsua. Zure sakelak zaindu.

Hortzmuga: Euskal antzerkian igeri egiten duen konpainiaren webgunea. Gure lotura laguntasunean, hainbat abentura artistikotan eta sopinkutasun askotan datza.

Imval: Bilbon kokatutako Eskola eta Produkzio-etxea. Bideoa, soinua eta argazkigintza lantzen dute batik bat, eta haiekin dakadan harremana profesionala eta adiskidetsua da.

Inkvoltage: David Ardila artistaren webgune ofiziala, IO7 talde artistikoaren kidea eta laguna. Benetan marrazkilari trebea.

Jose Ibarrola: Euskal artista honen webgune ofiziala. Bere lan orok hunkitzen naute, bai eta bere nortasunak. Antzezlanetan, bere artea beti dirdiratsua da.

Kontorsioan: Ane Miren kontorsionistaren web-a, horrek mina egin behar du.

La Chusma Teatro: Misteriozko konpainia, partaide misteriotsuekin. Zein dago hor barruan?.

Larrua: Larrua, Arte eskenikoen ikuskizunak egiten dituen produkzio-etxea eta banatzailea.

Siarte: Sergio Sánchez euskal artistaren enpresaren webgunea, IO7 talde artistikoaren kidea eta laguna.

Sol Picó: Dantza garaikidearen ordezkari ospetsu honen konpainia.

The Killministers: Ales Larrazabalek, pianojolea eta lagun mina, tekleria jotzen du Bakioko talde rockero honetan.

Visitants: Valènciako antzerki konpainia, hango enbaxadorerik onenak.