Shanti Basauri

Nere "fotolog"-a edo argazkien bilduma

Gauza berri bat instalatu det webgune hontan: Argazki bilduma bat.
Azkenengo bolada hontan bildutako argazkiekin erakusketa azkar bat osatu det hemen eskegitzeko. Nahiz eta argazki gehienak kamara trakets batez eginik izan, ilusioa egiten zidan erakusteak.

Hasteko, Euskal Herrian, Japonian, Herberetan eta Espainian egindako argazki batzuk ipini ditut, bainan etorkizunean beste herri batzutan egindakoak gehituko ditut ziur aski.
Ni enaiz argazkilaria, irudi guztiak tripoderik gabe eta presaka aterata dagoz beraz.
Kontrastea eta geometriaren obsesioa aztertuz, ni musikagilea naizela nabarituko dezue errazki.

Esteka hor eskuinean daukazue. Edo bestela, hemen.

Beste ume japoniar-euskaldun bat...

Moeko Okabe, bederatzi urteko ume japoniarra da. Euskal Herrira jin zan bere gurasoekin, Iruñara hain zuzen, eta bost hilabetetan euskara ikasi du. Bere aita irakaslea da Tokyoko unibertsitate batean eta berak ere alabak lortutako arrakasta liluragarria izan dela aitortu du.

Euskara eta japoniera txit berdintsuak dira. Japonieraz mintzatzen saiatzen garenok ondo dakigu. Partikulen sistemak, gramatika eta beste ezaugarri anitz berdin berdintsuak dira. Euskaldun batek japonieraz hitz egitekotan hiztegia baino besterik eztu aldatu behar, aditzak haien hizkuntzaz gurean baino xumeagoak baitira. Kanpotik etorriko dira eta preziatuko dute hemengo latinzale batzuek gutxiesten dutena.

Berria euskalkultura.com-en eta Deian argitaratu dute.